boz goraz

Arrigorriaga ezagutu

2009-01-21T14:52:00.005+01:00

Aurten Arrigorriagako Udalak egutegi bat atara du herriko argazkiekin. Oso polita, egia esanda. Gauza da amaieran lehiaketa bat dagoela; argazkiak izenik gabe daude eta Arrigorriaga benetan ezagutzen dugula frogatzeko, irudietan agertzen diren lekuei izena jarri behar diegu.
Guztiak herrian ataratako argazkiak direla dudarik ez dago; hala ere, uste dut gure herria ezagutzearen mugak gainditu egin dituztela honako argazki hau jartzean!

Dena den, asmatu duten guztien artean bi argazki-kamera eta bi bideo-kamera digital zozketatuko dira otsailaren 12an.

Argazkiak Asier Camacho basauritarrak egin ditu.

Bizkaia: Gaur, Abadiño

2009-01-15T14:23:00.008+01:00

Abadiño hego-ekialdean kokatzen da, Durangaldeko eskualdean. 36.26 metro karratuko hedapena du eta 2006ko datuek diote 7163 abadiñarrek osatzen dutela herria. Ibaizabal ibaiaren zati bat hartzen du. Zaldibarretik datorren Zaldu erreka Ibaizabali batzen zaion tokian aurkitzen da Abadiño, eta Urkiolako parke naturala ere hartzen du mediterranear isurialdearekin eta kareharri hormekin. Inguruan dauden mendien arteak aipagarriak dira Alluitz (1.040m), Aitz Txiki (791m) eta Untzillaitz (934m).

Leku interesgarriak

Muntsaratzeko Dorrea
Santos Antonios Santutegia
Conjunto Juradero de Gerediaga
Torcuato Martir Santuaren Eliza
Astolazubia
Kanposantua

Argazkian Gerediagako landa

Bizkaiko herrialdeak

2009-01-15T13:58:00.005+01:00

Urte hasierarekin batera, atal berri bat estreinatuko dut blog honetan. Bizkaian dauden herrialde guztiak aipatuko ditut bakoitzari buruzko laburpentxo bat eginez. Askotan hain hurbil ditugun lekuak ez ditugu ezagutzen eta herri guztiek zertxobait berezia dute.

Bidaiatzea, hurbil zein urrun, osasuntsua delako gure barnea aberasteko.

Umorezko laburmetraien jaialdia

2008-12-09T18:09:00.007+01:00

Abenduan gauz eta Arrigorriagan hilabete honek duen ekitaldirik bereizgarriena Umorea Laburrean da. Gaur bertan izango da VII. edizioaren estreinaldia, 20.00etan. Bertan proiektatuko diren laburmetraiak umorezko euskal laburrik onenetan sailkaturikoak izango dira: "Amor de Madre", "Badurdea", "La primera vez", "Sintonia", "Topeka", "Looking for Chencho" eta "¿Por qué no tiene novia Iñigo Martín ?".

Lanbarri Kultur Elkarteak antolatutako ekitaldi honetan edonork parte hartu dezake laburmetraia bat aurkeztuz. Gainera, ikusleentzat sarrera dohainekoa da. Jaialdiaren azken egunean, 13an, sarien banaketa egingo da.

Indignación en Bilbao

2008-11-29T12:13:00.007+01:00

No hacen falta más palabras para deducir junto con la imagen a qué me refiero. Indignados están los seguidores de AC/DC. Después de haber estado durante toda la noche del miércoles al jueves en la calle haciendo cola a las puertas del Corte Inglés bilbaíno y de la Fnac para poder conseguir un par de entradas para el concierto que este mítico grupo de hard rock dará en el Bizkaia Arena el próximo 4 de abril, la mayoría se fue con las manos vacías.

Nadie se explicaba el por qué de esta situación; las 16300 entradas se agotaron en menos de dos horas y solo unos pocos afortunados las consiguieron. El Corte Inglés consiguió vender únicamente 4 entradas, Foto Ikatz 12 y la Fnac unas 200 de una cola de 800 personas. He aquí la explicación: Mucha gente consiguió la entrada on-line. Además, nuestra querida Diputación se ha agenciado unas 7000 entradas para repartir (porque dudo que las paguen, para eso estan los bolsillos de los demás) entre unos malditos afortunados que a la mayoría, seguro que ni les va ni les viene el grupo.

El resto, se han vendido fuera de Euskadi, así la gente que venga a ver el concierto, gasta en hoteles y restaurantes de Bilbao, algo muy jugoso para Azkuna y sus amigos.

En resumidas cuentas, entre los fallos del sistema de venta de entradas y demás, pocas de ellas vendió Bilbao el jueves. Hubo ganas de llorar, mucha rabia e indignación entre la multitud de jóvenes y no tan jóvenes que no les sirvió de nada pasarse la noche a la intemperie.

Ahora, querido lector, sin enchufe sólo queda mirar los precios de la reventa, que oscilan entre los 200 y los 600 euros.

Genero indarkeriarekin bukatzea denon esku dago

2008-11-25T12:51:00.006+01:00

Gaur emakume guztiengatik. Erasoen aurka. Aski da!

Azaroak 25. Emakumeen Kontrako Indarkeriaren aurkako Nazioarteko Eguna.

Argazkia: www.mundurat.net

Harri Gorrien Sekretuaren bila... urte osoan zehar!

2008-11-13T13:09:00.013+01:00

Arrigorriagak harri gorrien mezua bilatzera gonbidatzen zaitu. Izatez, udarako bakarrik prestatutako ekintza izan zen pasaden urtean (2007). Aurten, udan berriz ere, izan duen arrakasta ikusita, ibilbideak zabalik jarraituko du urte bukaerararte, kasu honetan, aldez aurretik hitzordua eskatzen duten taldeentzat soilik.

Bilbotik hamar kilometrora besterik ez dago Arrigorriaga eta hala ere, Bizkaia ezagutzera hurbiltzen diren bisitari gehienak ez dira inoiz herri honetako kaleetan zehar ibili. Bertoko askok ere gutxitan egin diote bisita Padurako ibarrean dagoen hiribilduari, agian horretarako aitzakirik izan ez dutelako.

Herrian turismoa areagotzeko sortutako ibilbidea da Harri Gorrien Mezua. Euskal Herriko iraganera egindako joan-etorri bat da. Bertan, besteak beste, euskal mitologia, euskararen jatorria, ekonomia, industrializazioa eta Padurako gudua aurkitzen dira tratatutako gaien artean.

Egitasmo bitxia da, besteak beste, azpiegitura handirik sortu behar izan ez dutelako ezarritako asmoa betetzeko. Komiki bat eta iPod bat bakarrik behar da Arrigorriagako eta Euskal Herriko historian mendeetako saltoak egin ahal izateko. Bi tresna hauekin ibilaldi eroso bat egin ahal izango da herriko toki esanguratsuenetan barrena.

Egitasmo hori gorpuzteko Jose Luís Urrutia idazlearengana jo zuen Arrigorriagako Udalak. Urrutiak Padurako batailaren mitoari heldu zion, “bisita turistikoan murgilduko direnei Euskal Herriko iraganean bidaiatzeko aukera emateko”.

Kondairak jasotako bataila horretan, IX. mendean ehunka gizonek isuri zuten odolak eman zion egungo izena Arrigorriagako herriari eta hori abiapuntutzat hartuta, Padurako gerraz gain, Euskal Herriko iraganean zortzi geldiuneko bidaia proposatzen du Harri Gorrien Mezuak.

Zientzia bizi!

2008-11-11T12:46:00.012+01:00

Zientzia, Teknologia eta Berrikuntzaren Astea ospatzen ari da aste honetan Bilbon, Donostian eta Gasteizen. Bizkaiko hiriburuan, Arriaga alboan jarritako karpan ospatuko da. Gaur egungo gizartean aurkitu dezakegun teknologi aurrerakuntzak eta berrikuntzak zientzian oinarritzen dira, beraz aste honetan zehar, azaroaren 10etik 16ra arte zehazki, zientzia guztion parte izan nahi da, guztioi gerturatu nahi da.

Karpan, stand ezberdinak aurkituko dira; zientifikoak eta teknologikoak. Euskal Herriko Unibertsitateko hainbat ikertzaileek gai zientifikoak aurkeztuko dituzte. Teknologikoak aldiz, enpresa ezberdinak.

Helburua zientzia ukitu, gozatu eta ulertzea da, horregatik stand bakoitzean jokoak eta esperimentuak egingo dira horra hurbiltzen direnentzat, zientziaren parte-hartzea sustatzeko.

Astearen VII. edizioaren ardatz nagusia Lehengaia da: Naturan sortutako baliabideak eta giza baliabide eta gaitasunak, hain zuzen ere.

Zientzia Astea, teknologia, berrikuntza eta zientziara orokorrean hurbiltzeko ezinbesteko aukera da, beraz blog honetatik zientzia bizitzera animatzen zaituztet.

Canon EOS 450D

2008-10-16T21:31:00.002+02:00

Reflex makro mundu honetan sartu naiz. Aukera ona? Espero baietz!
Eskerrik asko amatxo!

Biharko plana Jontxu... ezin hobea e?

Egunsentia Bilbon (08-X-7)

2008-10-13T15:51:00.007+02:00

Honelako paisaiaz disfrutatu ahal izan zuten pasaden asteartean, urriak 7an, goiz altxatu ziren pertsonek. Egunsenti izugarria; laranja eta more koloreak nabarmenak ziren zerura begiratzean. Eguna 20 gradurekin hasi zen, eguraldi bikaina izango genuela zirudien astearte horretan, hala ere, goizeko 9ak aldera, euria egiten hasi zen eta ez genuen eguzkia ikusteko aukerarik izan.

Argazki ederrak atera ahal izan nituen Bilbon goizeko zortziretan, eskerrak kamera nirekin eraman nuela.

Mendikosolobarrena parkea

2008-09-29T13:38:00.003+02:00

Gaur nire herriko paraje zoragarri bati buruz jardungo dut; Dinamita parkea.
Zertaz ari naizen ez dakizuenontzat, hona hemen sarreratxo bat gogoa zabaltzen juteko;

Mendikosolobarrena eta Mintegi parkea Arrigorriagan kokaturik dago Arrigorriaga-La Peña errepidearen albo batean. Arrigorriagako herritarren artean “Dinamita” izenez ezagunagoa den parke natural honek, 10.000 metro karratuko hedapena du.

Parke honen iragana guztiz industriala da. Oraindik ere, hainbat aztarna mantentzen ditu.

Zonalde hau Riotinto Lehergailuak enpresak erabili zuen bere lehergailuak fabrikatzeko.
Hemendik dator beraz, Dinamita izena.

Dinamitak laku luzea eta sakona du erdian. Ahateak eta antzarrak aurkitzen dira lakuaren ertzeetan. Hauek, noizbehinka lakuak bere inguruan duen harresia zeharkatzen dute eta jendea dagoen lekuetan eguzkia hartzera ateratzen dira.

Dinamita inguratzen duten zuhaitz eta mendien kolorea lakuan islatzen da, eta paisaia berde-berdea da ikusten den bakarra.

Orain, asto, zaldi eta "Bambi" batzuek bisitari guztien atentzioa deitzen dute. Dinamitako zelaietan zehar elkarrekin bizi diren animali hauek jendearekiko duten lasaitasuna, harrigarria da.

"mamá"

2008-03-21T23:34:00.006+01:00

Aitortu egin behar dut artikulu hau idatzi nuen arte, ezer gutxi nekiela marasma honi buruz. Hala ere, jarri zenetik 1999an, mirespen berezia sentiarazten dut ikusten dudan bakoitzean.

"Mamá" izena duen eskultura harrigarri honen sortzailea Louise Bourgeois irudigile frantsesa da.
Askok jada, soilik argazkia ikustean, kokatu egingo duzue marasma. Ez dakizuenontzat; Bilboko Guggenheim museoaren alboan aurkitu dezakezue, konkretuki, La Salve zubiaren beheko aldean, hortik ez baita mugituko.
Amatiar irudian iradoki nahi da 10 metroko figura honekin eta, brontze, altzairu eta marmolez eginda dago.
Itzelezko aspektua du, hala eta guztiz ere, berezko amatiar sena du, eta munduko amatxu guztiak oso ongi errepresentatzen ditu.

Muxu handi bat amatxu!

Ongi etorriak

2008-03-18T21:17:00.000+01:00

Hasiera baino ez da izango honako hau.
Gauza guztiak hasiera eta amaiera bat dutela diote. Guztiak ez. Blog honetako lehenengo post-a idatziz gero... akabo. Ezin izango da atzera egin. Ataskuak debekatuak.
Horixe bera izango da beraz nire helburua; gaurkotze baten eta beste baten artean sortu daitezkeen ataskuak ekidin, horrela, mota askotako ele-meleak eta larritzen gaituen hori egunero zabaldu ahal izango ditut kazetari on bat egin behar duen moduan...

"Boz goraz" zergatik? Ba, gure inguruan gertatzen dena jende askoren kezka da. Eta beraz, boz goraz zabaldu egin beharko da guztiak informazio egoki bat izan dezaten.
Baita ere, zenbaitetan, nire ukitze pertsonala emango diot gune honi, boz goraz kontatuko ditut nire inguruko hainbat gauzatxo.

Besterik gabe, ongi etorriak izan zaitezte nire blog honetara. Bukatu egingo dut sarreratxo hau egun baten irakasle batek esandako errefrauarekin;

"non gertaera, han kazetaria"